أضف سؤال أو موضوع جديد          

ما هو الكفر المناسب سايلون ولا جينيو ولا سونار

up 1 down 0
hi speed 4
قبل 6 يوم و 3 ساعه



السلام عليكم
باختصار كفرات الموتر انتهى عمرها وتحتاج تغيير
الموتر النترا 2018 جنوط 15 ستاندر
مقاس الكفر 195/65/15
صراحه قعدت ادور بالسوق لقيت شركات وأسعار مختلفه
ودخلت النت اشوف وليتي مادخلت احترت زود
للامانه الميزانية دماااار
ولا كان ركبت نكسن حق الوكاله كويس ومجربه بس عيبه شوي وقاسي
لكن المشكاة سعره في الغرابي ارخص محل ب 260 ريال مع الضريبة بعضهم والله حصلته ب290 !!!
المهم حصلت نوع سونار سعره يعني أقل من النكسن وهو تايواني تقريبا 200 مع الضريبه و نوعين رخيصات شي اسمه سايلون(185)وشي اسمه جينيو (180)
للامانه ماقد جربت ولا واحد بس ناس واجد تمدح الجينيو وبرضو السايلون (كلا النوعين يمدحون هداوتهم وليونتهم) وانها تكرف وجودتها كويسه
بس المشكله ناس تقول السايلون يحبل بسرعه وضعيف وبعد مده يبدأ يطلع صوت ويقسى !!
وبالنسبة للجينيو ما أحد شفته يقول انه يحبل بس الي الي شفته بالردود يقولون دعسته تنمسح والفرامل تعبان فيه وبرضو يبدا بعد مده يطلع أصوات !!
وبالنسبة لل سونار كثير يمدحونه لكن يقولون قااسي مطبة وصوته عالي (مع اني سالت راعي المحل يقول هذا اهدا من كفراتك الي هي النكسن !!) انا هنا بلمت ؟؟؟

ف ما أدري صراحه احترت (زي ماقلت لكم انا الميزانيه موليه يعني أبي شي طقم بحدود 550-الى 800 ريال) يكون الكفر هادي ولين
فــ الي مجرب احد هذي الكفرات وموتره صغير يفيدنا بتجربته والله يحفظ الجميع ويستر عليكم
وبالنسبة لسواقتي أنا اغلب وقتي داخل المدينة يمكن بالسنة 3-5 مرات اطلع سفر 150 كيلو للديرة (والسرعة ما اعدي 130 )







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا ركبت جينيو على اوبتيما 2014
مقاس الجنط 17
الكفر 215 55 17

الكفر لين جدا ما شاء الله تبارك الله ولا تحس بعيون القطط من ليونته
فيه صوت بعد ١٠٠ صراحه بس ما ادري هل هو من السياره ولا من الكفرات لكن عادي جدا واذا انك مشغل المسجل مابتحس فيه ابدا
يحتاج ترصيص كل ٦ شهور ب ١٠٠ ريال.. من الحفر والمطبات اكيد راح يحتاج للترصيص خصوصا انها لين بزياده والهواء عندي مخليه 28

اخذته قبل سنه من محل بالغرابي ممتاز جدا
اسمه دائره الخيال
ب ١٥٠ ريال والضريبه ٧ ريال ونص اللي هي ٥بالميه بعد المكاسر
الكفر تاريخ 2019 مع التركيب مع الترصيص ليزر مجانا

طلع علي الطقم 630 ريال جاهز راكب


up 1 down 1
ابوخالد1397 2844
قبل 6 يوم و 2 ساعه



مشكور ياغالي
طيب انت تقول لين ليش تخلي الكفرات 28 !!؟؟ أقل شي خلها 33 او زي ماهو موجود على السيارة من البلد
على فكرة تقليل ضغط الهواء في الكفرات يسبب تلف لأطراف الكفر بجانب الدعسة
وسالفة الصوت أنا موتري خلقه مزعج مادام لها صوت بعد 100 وموترك اوبتيما يعني اريح من الالنترا ف شكلها ماتصلح



up 1 down 0
hi speed 4
قبل 6 يوم



نصيحه لاتسترخص بالكفرات خذ نوعيه جيدة حتى لو السعر 
زايد شوي على ميزانيتك 
انصحك بكفرات هانكوك نوع OPTIMO ME02 لينه جدا وهاديه
راح تدعي لي 


up 0 down 0
abosaad702 9
قبل 5 يوم و 17 ساعه



بس اهم شي تأكد من تاريح الكفرات يكون 2020 وسوي له ترصيص
مع ميزان والهواء حطه نفس العيار اللي مكتوب في باب السايق 


up 0 down 0
abosaad702 9
قبل 5 يوم و 17 ساعه



جنيو ممتازة عن تجربه في كذا سيارة استخدمتها
ومقاسات مختلفه


up 1 down 0
al_jasser22 183
قبل 5 يوم و 15 ساعه



انا جربت كفرات الوكاله نيكسن قاسيه وبعدها ركبت كفرات هانكوك اوبتيمو رقم الموديل k415 كفرات ناعمه فرق النعومه 40% عن النيكسن


up 0 down 0
bmw z4 1428
قبل 5 يوم و 13 ساعه



بخصوص اني اخلي الكفر 28
لان حرارة شمس الرياض ترفعه ل 30 إلى 32 بالراحه
عشان كذا احب الينه على السياره.. لاني سبق وخليته 33 وحصلته من الحراره 37 تقريبا وصار قاسي والسياره تصير خفيفه بزياده

فتقليل الهواء يزيد من ثقل السياره ورساوتها

وللعلم جربت قبلها صيني مدري وش اسمه وفيه صوت

الصيني بشكل عام فيها اصوات.. اذا يهمك هالامر.. خذ شركه اصليه.. كوري.. مثل نكسن حق الوكاله.. بيطلع عليك الطقم بالكثير ٨٠٠ والكفرات هذي كانت تجي على الكوري بشكل عام سنه ٢٠١٤.. واعتقد لا زالت


up 1 down 1
ابوخالد1397 2844
قبل 5 يوم و 10 ساعه



من تجربه انصحك بالجينيو ،ملاحظتي انه يمسح اسرع من الكوري بشي بسيط لكن مقارنه بالسعر والجوده الجينيو يتفوق 
ركبت طقم على النترا طيس ب ٤٨٠ قبل سنه وليومك هذا مااشتكيت منه 


up 1 down 0
فلان الفلاني 508 473
قبل 5 يوم و 3 ساعه



الجينيو سعره مع الضريبة لا يتجاوز130 ريال مع التركيب والترصيص، يعني بحدود 520 ريال


up 0 down 0
anosi 1358
قبل 3 يوم و 5 ساعه



الجينيو سعره ممتاز وغيره بعد سنتين


up 0 down 0
حمدان 114 3
قبل 2 يوم و 16 ساعه