رأيكم في الالنترا هل هي أفضل ام الكورولا

الكورولا بدون منافسة

لاهنت بومشعل
وننتظر رأي الأخوة الباقين

الياباني افضل و اثق فيه من ناحبة واحدة و مهمة بالنسبة لي
جودة تكييف الهواء سواء تويوتا او نيسان
من ناحية القير الكورولا CVT نفس قير
نيسان سنترا ، هوندا سيفيك و هو معروف بالفئة هذي
و الالنترا الجديدة ممكن تنزل عندنا بنفس القير هذا
الالنترا الحالية قيرها ٦ ست سرعات
الفرق الاساسي السعر مقابل المواصفات
النترا مكينة 2.0 بسعر كورولا 1.6
اقوى شوي و ان كان مهو بذاك الفرق
و كل الثنتين سيارات يعتمد عليها مناسبة لمشاوير المدن و السفر القريب

الكورلا عمليه جدا وشكل حلو لكن عزم جدا سيء
اللنترا عمليه جدا وشكل عادي وعزم ممتاز
الصراحه لو انا خيرت
بشوف اللنترا

الأخ مثقف
الأخ ابوخالد
بيض الله وجيهكم ورحم الله والديكم

الالنترا كمواصفات وجاذبية وابهار وشبابية و افضل وبكثيير وتناسب الشباب.
تويوتا كورولا . سيارة مجردة من المواصفات وقاسية . وتناسب الرجال وكبار السن.

النترا افضل بكثيير والسبب القير تبع الكورلا سيفتي قير سيء
والنترا تجي مكينة 2.0بسعر ارخص يعني عزم اعلى الكورلا الاغلب محرك1.6
فيه كورلا 2.0لكن قليله شويه والسعر اعلي

النترا عمليه جدا واللي يقول غير هالكلام ماجرب

عندك مبيعات النترا والكورلا يانير-مايو 2020
النترا11.351
كورلا3.940

لو الكورونا تدوم وتتحمل وسعرها مقبول كان تشوفها تاكسي

الالنترا مع أصحاب التاكسي الغير محافظين تمشي 600 ألف بالراحة

ما عدم الالنترا الا المقاومات والسعرات وأغلبها في يد مراهقين

عندي النترا ماشية 250 ألف لها خمس سنوات

بعد الخمس سنوات تعطل المكيف غيرت نظام تكييف كامل من إلى كلف بحدود 2000 ورجعت وكالة

غير كذا أغير فقط أقمشة فرامل وزيت وزيت قير وكفرات

المواصفات تتفوق النترا
قطع الغيار و سعر السيارة تتفوق النترا
المحركات جميعها جيده تعتمد على المستهلك
المكيف تتفوق الكورولا

و عليك بالاستخارة

الاخوان ماقصرو

تبي سيارة عملية وشكل مقبول ولايهمك العزم والمواصفات وقطع غيار واستهلاك البنزين معقولة كرولا

تبي سيارة عملية وشبابية تصميم جميل وتتحمل وقطع غيارها اغلى الالنترا

اقترح عليك تستأجر كل سيارة من محلات التاجير لمدة يوم ولا يومين واستخدمها استخدام عادي علشان تاخذ انطباع كامل
وسوي قائمة بقطع الغيار الي تتوقع انك تحتاجها ( استهلاكية - اسطبات ..الخ ) واسأل عن اسعارلها لكل سيارة
ولاتنسى الاستخارة
بالتوفيق

صحيح ماقاله الاخ صالح . استأجر السيارتين وقارن الفرق بينهما.
واستخر ثم استشر وبعدها اشتر

لايمكن مقارنة الكوري مع الياباني .

الكوري يُقارن مع الصيني فقط وهذا مستواه.

بيض الله وجيهكم ورحم الله والديكم

كسعر ومواصفات الإنترا
كتحمل وكرف وجوده الإثنين سواء

كقيمة مقابل سعر...النترا...بسبب المواصفات الأعلى و وجود ماكينة أكبر بفرق سعر بسيط
الاعتمادية..كورولا أكثر لكن سيارة فاضية للفئات الأولى..الاتنين اعتماديين و الدليل انتشار النترا و استخدامها تاكسي

لاهنت يا محمد رحم الله والديك

مع ذلك الياباني اكثر موثوقية وارشح لك الكورولا او الكامري .فقط.