أضف سؤال أو موضوع جديد          

العيوب المصنعيه في سوناتا 2020 تجربة جديده

up 8 down 1
bandar.fahad 29
قبل سنه و 2 شهر



السلام عليكم
في شهر فبراير الماضي اخذت سوناتا ٢٠٢٠ من معرض الفلاح - الرياضوكيلها الوعلان
اول زيارة وكالة:
مشيت عليها ثلاث الاف ورحت الوكاله اول مره غيرو زيت وقالو بنشمع الزيت فوق وتحت نبيك ترجع لما توصل خمس الاف نبي نتاكد هل عندك عيب مصنعي تنقيص زيت ولا لا
وبنفس الزيارة هذي كان فيها عيبين مصنعيه، الاول لي في الراديتر من فوق غيروه وكذلك حديدة قياس الزيت غيروها يعني اشياء بسيطه للحين

الزيارة الثانيه على خمس الاف جيتهم وخليت السياره عندهم بعد اربع ساعات كلموني قالو سيارتك تحرق زيت ولازم فك المكينة وتغيير البساتم وبنزيدك بالضمان من ١٠٠ الف الى ١٥٠ الف
قلت ماعندي حل توكلو على اللله، قالو نعطيك موعد بعد شهر

الزيارة الثالثه السياره صارت ماشيه ثمان الاف ودخلتها الوكاله قعدت اربع ايام
ومطلعها الحين من اسبوع، قبل نص ساعه واقف عند محطه وللاسف لقيت سرعة المكينة تلعب لحالها
مره تروح واحد ونص ومره تنزل
وفيه صوت مع الدعسه.
انصح الجميع للتأني قبل شراء هالسياره لان بالنسبه لي بروح اطالب بالتغيير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يالربع اللي عنده نفس المشكله هذي يعلمنا


up 3 down 0
bandar.fahad 29
قبل سنه و 2 شهر



هذا عيب بمكينة هونداي و كيا الجديدة ٤ سلنر حجم 2.5
اللي على سوناتا و اوبتيما و نزل السورنتو الجديد بنفس المكينه التعبانه هذي
مستغرب منهم بالخارج عندهم مكاين 1.6 و 2.0 تيربو ممتازة و مجربه
و يصرون ينزلون عندنا مكاين عادية و قديمة التقنية
اللي بيشتري استاندر مكينة 2.0 و في عيب ثاني القير ما تتحكم بالتعشيق
الا بالفئات الاعلى في بدالات من ورا الطارة
ممكن البديل اوبتيما قيرها المعروف مهو نظام ازرار مثل هونداي
و بشكل عام لا احد يشتري سيارة جديد الى ٢٠٢٣ الى ما ترجع الضريبه مثل اول


up 1 down 4
مثقف سيارات 1143
قبل سنه و 2 شهر



٢٠٢٢ على الاقل .....


up 1 down 1
مثقف سيارات 1143
قبل سنه و 2 شهر



الحين شرينا وخلصنا، انا بشوف الوكاله يغيرونها لي


up 4 down 0
bandar.fahad 29
قبل سنه و 2 شهر



مايغيرونها لك
انظمة وزارة التجارة اذا تكرر نفس العطل 3 مرات 
يبدلون لك سيارتك
بس اعطال مختلفة ويتم الاصلاح مايغيرونها لك
الله يعينك


up 2 down 0
rustic 219
قبل سنه و 2 شهر



كثيرين تكلموا عن مشكلة مكينة السوناتا 2500 مول نزولها الجديدة والى الان الشركة لم تحل المشكلة شركة مثل هونداي فين تجاربهم قبل البيع


اخي مثقف سيارات ما اتوقع حد يشتري هذه الايام كنت بشتري سيارة يوم حسبت الضريبة هونت اذا الصني ضريبتها فوق خمس الاف فما بالك بباقي السيارات


up 1 down 0
ra3d777 506
قبل سنه و 2 شهر



الله يعينكم
طيب ياشباب سؤال هل المشاكل هذي موجوده في الخليج الكويت دبي وغيرهم ولا بس عندنا. احد عنده خبر؟


up 0 down 0
midnight_963 676
قبل سنه و 2 شهر



المكنية حق السوناتا 2.5 فيها مشكلة الزيت وهي مكينة MPI حقن وقود متعدد

مكينة الاوبتما ( k5 الان ) 2.5 لكن GDI حقن وقود مباشر وهي مختلفة عن السوناتا واقوى منها في الاحصنة
السورنتو 2020 محركها 2.4 وهو نفس السوناتا القديم

الله يعينك ياصاحب الموضوع والعيب مصنعي لاصدار الشرق الاوسط

الي يبي محركات تيربو صحيح افضل لكن راح ترفع سعر السيارة مثل ماحصل مع سيارات فورد بمحركات الايكوبوست
وصيانتها اغلى


up 1 down 1
salehhd 945
قبل سنه و 2 شهر



الله يعطيكم العافيه بالردود لكن ما تساعدني، كويسه معلومة اذا تكرر العطل ثلاث مرات الحين السياره بعد فك المكينة تلعب السرعات و فيها صوت طقطقه لعلها مافيه شي بمر الوكاله واشوف


up 0 down 0
bandar.fahad 29
قبل سنه و 2 شهر



استلمتها وكالة وأول عيب كان ضعف التبريد.
هالموديل عيوبه كثيرة


up 1 down 0
great_fahad 95
قبل سنه و 2 شهر