أضف سؤال أو موضوع جديد          

هونداي النترا 2021 وصدمة السعر والتصميم ابي رايكم

up 2 down 0
ms any 542
قبل سنه



السلام عليكم
حياكم الله جميعا بقولكم سالفتي مع هالسيارة لي فترة ناوي اشتري النترا محرك ٢٠٠٠ سي سي سيارة عاجبتني كثير وخدومة وقطعها رخيصة ومتوفرة في كل مكان
لكن يوم سمعت ان الشركة شغالين على تصميم جديد قلت مراح استعجل اصبر كم شهر واطق لي الشكل الجديد
عشان ما اندم بعدين يمكن يكون تغيير جذري وفيها موصفات افضل وفعلا صبرت والمبلغ الي معي 55 ألف صافي وعشان ما اصرفها فتحت حساب جديد في بنك ثاني واودعتها ومن طول المدة وانا انتظر الشكل الجديد جمدو البنك حسابي هههههه
المهم مالكم في الطويلة رحت وشفتها على الطبيعة وعجبتني موتر ماعليه كلام
بس يوم سألت عن سعر الستاندر قالي الموظف 75 ألف صراحة انصدمت !! ليش يا الحبيب قال شكل جديد وهذا سعره مرتفع بالوكالة وبالمعارض
ورحت بعدها للوكالة وسألت الموظف وش السالفة ليش ارتفع سعرها كثير قال الموظف تصميم جديد ويستاهل كل ريال يندفع فيه وحتى اعلى فئة وصل سعرها 118 وهي فعليا تستاهل اكثر ومن هالخرط الفاضي
وفيها عيب الصراحة ما عجبني الي هو وجود حاجز بين الراكب والسائق سألت موظف الوعلان وقالي انه احتمال لو معك اطفال يكون حماية للقير وصراحة جوابه ما دخل راسي
وسألت موظف بمعرض قالي انه احتمال لو فيه شخص كبير في السن يتمسك فيها اذا جاء يركب وبعضهم يقول انه مجرد ديكور
المهم رجعت البيت وشلتها من راسي اول ما وصلت البيت لقيت اخواني الصغار واقفين عند الباب لهم كم ساعة ينتظروني بيشوفون النترا الشكل الجديد يحسبوني شريتها هههههههه
صارت كورولا ستاندر ارخص من النترا ستاندر من يصدق !!
عطونا رايكم افضل موتر بحدود 55 ألف الى 60 كحد اقصى يكون جديد اصفار وبديل للأنترا












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ممكن تحصل كورولا مخزن عند الوكالة من موديلات 2019 جديد غير مباعة بسعر مناسب او ممكن تحصل النترا موديلات 2018 او 2019 نفس الشئ مخزن في المهارض او الوكالة
بسعر مناسب .


up 0 down 0
reader2020 182
قبل سنه



تدري قريت خبر في احد الصحف مدير هونداي او مسؤول بالشركة انصدم من الاسعار عندنا .. اللي فهمته انه اسعارنا نار وهم يصدرون السياره للشركات بسعر رخيص



up 0 down 0
للصبرأخر 205
قبل 12 شهر