أضف سؤال أو موضوع جديد          

استفسار عن اجراءات نقل الملكية ايجار منتهي بالتمليك

up 3 down 0
ham00di 17
قبل 6 شهر و أسبوع



سؤال ياأخون بارك الله فيكم
عندي سيارة الحمدلله اخذتها عن طريق البنك العربي
والحمدلله خلصت كامل الاقساط كاملة بعد طلوع الروح والدفعة الأخيرة خلصتها ودفعتها
الان وش الاجراء عشان اسوي نقل الملكية وتصير باسمي
اروح البنك وش اقولهم لأني تعبت من مرمطتهم
المشكلة كل ماأروح لهم زحمة وملعنة وماتقدر تدخل الا برقم يعطيك وانت برا ومايدخلك
يوم شفت الوضع مطول سألت السكيورتي
قالي ادفع الدفعة الأخيرة قللت خلصت
قالي حلاص روح جيب تأمين وفحص دوري
سألت قالوا ماتقدر تسوي فحص الا لما تكون السيارة بأسمك
الان انا حايس وضايع , الي عنده شرح الله لايهينه يفيدني







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اخوي رح الفحص الدوري سو فحص  مو لازم تكون بسمك اصلا ماراح يطلبونك اثباتك يطلب الاستماره فقط عند الشباك تعطيه تدفع الرسوم وتدخل ترا اليوم فاتحين كانك تقدر تروح 
وسو تأمين بسمك وروح لى البنك اهم شي قبل لاتروح لى الفحص الدوري شيك على الوحه اذا فيها سافي والانوار وجميع المبات انها شغاله والمساحات ( ومافيها تهاريب تحت ) عشان ماتخسر حقه اعاده فحص 


up 1 down 0
k 6 4 i 1180
قبل 6 شهر و أسبوع



الله يعطيك العافية على سرعة ردك . طيب اخوي الاستمارة لسى باسم البنك ومجددة باقي عليها سنتن
اخاف اروح لهم يقولون السيارة ماهي باسمك لسى باسم البنك ؟



up 1 down 0
ham00di 17
قبل 6 شهر و أسبوع



يعني الي فهمته من كلامك اسوي الفحص حتى لو كانت السيارة لسى باسم البنك
واذا الاستمارة مجددة برضوا ضروري اسوي فحص جديد ؟ عشان نقل الملكية ؟


up 1 down 0
ham00di 17
قبل 6 شهر و أسبوع



ايوه عادي اخوي تسوي الفحص وهي بسم البنك الفحص يربط بسياره مو فى المالك سو فحص دوري وتأمين وتوكل على الله 


up 1 down 0
k 6 4 i 1180
قبل 6 شهر و أسبوع



اذا الفحص الدوري ساري ما يحتاج تسوي فحص جديد
لكن لو منتهي لازم تفحص
وماهو بشرط تكون السياره باسمك


up 0 down 0
dub_r-50 434
قبل 6 شهر و أسبوع



نعم انا جددت الفحص الدوري و الاستمارة
المالك البنك المستخدم اسمي
لكن بالنسبة لي تجديد الاستمارة
بعدها سددت كل المخالفات و رسوم تجديد رخصة سير ٣٠٠
و راسلت البنك واتس اب و اتصلوا لي
و رفعوا طلب التجديد و توصيل الاستمارة الى اقرب فرع

اما نقل الملكية اتوقع لازم ورقة مخالصة من البنك
ثم تسديد رسوم نقل ملكية ثم استلام الاستمارة باسمك
انت سو الفحص الدوري صالح لسنة قدام اول خطوة
و سدد المخالفات لابد من التسديد تحديد الكل



up 0 down 1
مثقف سيارات 1123
قبل 6 شهر و أسبوع



و تأكد ان الاستمارة ما انتهت غير مطوفة
و الا عليها غرامة عن كل سنة تأخير ١٠٠ ريال


up 0 down 0
مثقف سيارات 1123
قبل 6 شهر و أسبوع



السيارة باسم البنك
ومين السائق المفوض ؟
مو انت المفوض ؟


up 0 down 0
ربيع الأول 354
قبل 6 شهر و أسبوع



لاتنسى اذا سويت فحص للسيارة اطلب من البنك ورقة اخلاء

ويعطيك ورقة لتأمين عشان تأمن للسيارة باسمك

والنقل عليهم بس ممكن ياخذون منك مبلغ وقدره لنقل

وفالك التوفيق


up 1 down 0
aboahmed2014 1161
قبل 6 شهر و أسبوع