أضف سؤال أو موضوع جديد          

اشتغلت لمبة الأيرباق من حالها وش الحل ؟

up 1 down 0
samer 2 22
قبل سنه



يا جماعة الخير
عندي النترا موديل 2017 ضعفت البطارية ورحت لمحل بطاريات وركبت جديدة
واشتغلت السيارة تمام لكن افرحة ما تمت يوم حركت من محل البطاريات وانا راجع في الطريق لاحظت ان لمبة الأيرباق مولعة وماهي راضي تطفى معلقة شغالة
مع اني متأكد اني ركبت بطارية نفس حجم حقت الوكالة مافيه فرق
قالي واحد افصل البطارية ورجعها فصلتها وشبكتها بعد نص ساعة ونفس الوضع ما تغير شي
رحت لورشة قريبة من بيتنا حصلت يماني قالي هذي تحتاج برمجة بس لزم افك الطبلون خل السيارة وتعال بكره يوم شفتة يقول اترك السيارة عندي سحبت عليه
رحت لورشة ثانية باكستاني قالي بفك الطبلون واحط قطعة منديل صغيرة تخفي لك اللمبة فعرفت انه نصاب ولا عنده سالفة
انا ابي اطفيها عشان يرجع نظام الأيرباق يشتغل في حالة الحوادث لا قدر الله لكن اذا حطيت منديل مراح تفتح الوسادة
وخصوصا اني ناوي الأسبوع القادم ادخلها الفحص الدوري ولا ادري هل لمبة الأيرباق لها دخل بالفحص ولا ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعينك على السباكين افضل طريقة تشتري قطعة او بي دي بلوتوث وتحمل التطبيق وتعرف وش الخلل
ممكن يطلع برمجة او شريحة دركسون
او انك تفحصها كمبيوتر وتصلحها بالضمان عن طريقهم


الفحص مالهم علاقة باللمبة عالطبلون بس اهم شي المنبه او البوري يكون شغال

لان لمبة الايرباق مع البوري شريحة وحدة يمكن البوري حيفصل عليك


up 1 down 0
nissan200 302
قبل سنه



قطعة ال او بي دي ماتفحص الايرباق الايرباق له اجهزة خاصة

وبالنسبة للمبة الايرباق ممكن من الشريحة او الحساس او الاسلاك تحت المراتب
عندنا كامري نفس الشي لمبة الايرباق ولعة بدون حادث وخربت شريحة البوري وبدلناها ممكن مرتين وما طفت اللمبة احتمال من الحساس


up 2 down 0
gogo14 40
قبل سنه



موضوعك بسيط جدا ولايحتاج كل هل الفلسفه

المشكله انك غيرت البطاريه والسياره مطفيه كان من المفترض تغير البطاريه والسياره شغاله علشان ماتخترب برمجة السياره

لاكن اللي عليك الان تسوي برمجه ب 100 ريال عند اي محل فحص كمبيوتر يعملك برمجة للمبة الارباق او ريست

وترجع السياره زي سابقا وتعمل بشكل ممتاز

وموضوعها بسيط جدا


up 0 down 0



اللمبة تولع لسببين

الاول خروج الايرباق وهذا ما يطفى مهما يتبرمج الا بالتغيير

الثاني كذا مثل ما صار معاك


ولكن قطع الفحص نوعين اللي يقولونها الشباب

فيه قطع تفحص المكينة وتطلع مشكلة الايرباق ووممكن تمسحها

وفيه قطع لا تفحص وكل شي ولكن ما تتدخل فيه


روح محل برمجة سيارات غالبا رح يمسحها لك الموضوع برمجة ترى لا اكثر


يكلفك 100 ريال

وفيه ناس في الفترة الأخيرة عندهم ورش متنقلة وممكن يخدمك في الموضوع

بحول ال 100 يمكن

ويجيك ل عندك

خذلك لفة في حراج

موفق يا غالي


up 0 down 0
محمد20092 53
قبل سنه



إنتبه من السباكين إللي يقول لك نفك الطبلون !
موضوعك بسيط ومثل ماقال أبو يزيد إنك غيّرت البطاريه والسياره طافيه
كل ماعليك تروح مكان برمجه يسوي لك ريسيت ماتكلفك 100 ريال


up 2 down 0
jakwar2004 437
قبل سنه



حركة المنديل هذي يسويها اللي ما يخاف الله والفترة هذي كثرانة تشتري سيارة 
وبعدين تتفاجأ ان نص اللمبات مولعة بس مو طالعة عشان مغطينها بالمنديل 
عموما موضوعك بسيط مر على اقرب ورشة عندهم اجهزة فحص ويسوي لك ريسيت وبتروح ان شاء الله 
وعشان تتأكد انها برمجة شوف اللمبة اول ما تشغل السلف اذا ترمش معناته تحتاج برمجة


up 1 down 0
mr.bdran 122
قبل سنه



جرب تشوف هذا الرابط

https://www.youtube.com/watch?v=2_eI2jPC-RI



up 0 down 0
dub_r-50 443
قبل سنه



احتمال شريحه الدركسون جرب سو برمجه لسياره اذا ماضبطت غير شريحه الدركسون ان شاءالله تضبط 


up 0 down 0
k 6 4 i 1228
قبل سنه



اذا صار في مشكله بالهرن او مثبت السرعه او طلع صوت بدركسون اكيد بيكون شربذ الدركسون

تقدر تجرب فصل البطاريه و تدق سلف مرتين ثلاث و بعد دقيقتين شغل السياره و بتشوف راحت
واذا ما انحلت المشكله الله يعينك تسوي برمجه


up 0 down 0
كميل 8049 1
قبل سنه