اشتغلت لمبة الأيرباق من حالها وش الحل ؟
1
0
إضغط هنا للإخفاء
يا جماعة الخير
عندي النترا موديل 2017 ضعفت البطارية ورحت لمحل بطاريات وركبت جديدة
واشتغلت السيارة تمام لكن افرحة ما تمت يوم حركت من محل البطاريات وانا راجع في الطريق لاحظت ان لمبة الأيرباق مولعة وماهي راضي تطفى معلقة شغالة
مع اني متأكد اني ركبت بطارية نفس حجم حقت الوكالة مافيه فرق
قالي واحد افصل البطارية ورجعها فصلتها وشبكتها بعد نص ساعة ونفس الوضع ما تغير شي
رحت لورشة قريبة من بيتنا حصلت يماني قالي هذي تحتاج برمجة بس لزم افك الطبلون خل السيارة وتعال بكره يوم شفتة يقول اترك السيارة عندي سحبت عليه
رحت لورشة ثانية باكستاني قالي بفك الطبلون واحط قطعة منديل صغيرة تخفي لك اللمبة فعرفت انه نصاب ولا عنده سالفة
انا ابي اطفيها عشان يرجع نظام الأيرباق يشتغل في حالة الحوادث لا قدر الله لكن اذا حطيت منديل مراح تفتح الوسادة
وخصوصا اني ناوي الأسبوع القادم ادخلها الفحص الدوري ولا ادري هل لمبة الأيرباق لها دخل بالفحص ولا ؟
إبلاغ
الردود
لان لمبة الايرباق مع البوري شريحة وحدة يمكن البوري حيفصل عليك
1
0
وبالنسبة للمبة الايرباق ممكن من الشريحة او الحساس او الاسلاك تحت المراتب
عندنا كامري نفس الشي لمبة الايرباق ولعة بدون حادث وخربت شريحة البوري وبدلناها ممكن مرتين وما طفت اللمبة احتمال من الحساس
2
0
المشكله انك غيرت البطاريه والسياره مطفيه كان من المفترض تغير البطاريه والسياره شغاله علشان ماتخترب برمجة السياره
لاكن اللي عليك الان تسوي برمجه ب 100 ريال عند اي محل فحص كمبيوتر يعملك برمجة للمبة الارباق او ريست
وترجع السياره زي سابقا وتعمل بشكل ممتاز
وموضوعها بسيط جدا
0
0
الاول خروج الايرباق وهذا ما يطفى مهما يتبرمج الا بالتغيير
الثاني كذا مثل ما صار معاك
ولكن قطع الفحص نوعين اللي يقولونها الشباب
فيه قطع تفحص المكينة وتطلع مشكلة الايرباق ووممكن تمسحها
وفيه قطع لا تفحص وكل شي ولكن ما تتدخل فيه
روح محل برمجة سيارات غالبا رح يمسحها لك الموضوع برمجة ترى لا اكثر
يكلفك 100 ريال
وفيه ناس في الفترة الأخيرة عندهم ورش متنقلة وممكن يخدمك في الموضوع
بحول ال 100 يمكن
ويجيك ل عندك
خذلك لفة في حراج
موفق يا غالي
0
0
موضوعك بسيط ومثل ماقال أبو يزيد إنك غيّرت البطاريه والسياره طافيه
كل ماعليك تروح مكان برمجه يسوي لك ريسيت ماتكلفك 100 ريال
2
0
وبعدين تتفاجأ ان نص اللمبات مولعة بس مو طالعة عشان مغطينها بالمنديل
عموما موضوعك بسيط مر على اقرب ورشة عندهم اجهزة فحص ويسوي لك ريسيت وبتروح ان شاء الله
وعشان تتأكد انها برمجة شوف اللمبة اول ما تشغل السلف اذا ترمش معناته تحتاج برمجة
1
0
https://www.youtube.com/watch?v=2_eI2jPC-RI
0
0
0
0
تقدر تجرب فصل البطاريه و تدق سلف مرتين ثلاث و بعد دقيقتين شغل السياره و بتشوف راحت
واذا ما انحلت المشكله الله يعينك تسوي برمجه
0
0
ممكن يطلع برمجة او شريحة دركسون
او انك تفحصها كمبيوتر وتصلحها بالضمان عن طريقهم
قبل 3 سنه و 5 شهر