تنصحوني بتسقيط شنبر أو تغيير مكينة

اخوي انابقولك طريقه مجربها شخصيا لاكن لاتسويها الى اذا كنت بتغير المكينه او بتوضب 
فك البواجي وخذلك ابره من اي صيدليه وخذلك بريال ديزل عب الابره وكب على البساتم  بس لاتكثر مره يعني كل بستم ابرتين كافيه ان شاءالله الابره الوسط 
وخذلك مفك مقاس بكره الكرنك ودور المكينه بيدك اكثر من دوره بعدين فرغ الزيت الي فيها وعب زيت جديد الفلتر مايحتاج تغيره لى انك ماشغلت السياره ماوصله ديزل 
وجرب شغلها طبيعي اول ماتشغلها بتطلع دخان وممكن تشتغل بصعوبه عادي ماعليك خلها شغاله ربع ساعه كذا وجربها وعطني خبر ان شاءالله تضبط 
انت اعتقد ارتفعت الحراره وخلطت مويه مع الزيت نزل المويه على البستم وممكن صار الشمبر حق الزيت معلق داخل معاد يطلع ان شاءالله مع الديزل راح ينظف مجراه ويرجع 
اذا بتوديها ورشه احتمال مايسويها لك الافضل تسويها بنفسك الشغله بسيطه صدقني ماتاخذ ساعه 

مالي ذيك الخبرة
لكن ابدا بالخل الاسهل و الارخص
و شف قيمة السيارة حاليا" كم تسوى

و انت بتكمل معها او افضل لك تصلح و تبيع
او تبيعها على حالتها ممكن تتخسر و لا ترجع مثل اول

لانها صارت معي كانت معي سيارة و خرب القير
غيرته بخمس الاف و رجع خرب بعد انتهاء الضمان
و بعتها على حالتها بعشره
خمسه لتعويض تصليح القير
و الخمسه الثانيه دفعتها اولى و قسطت سيارة جديدة
و الله يعوضنا وياك و كل مسلم و مسلمة

اشتري ارخص انواع الزيوت
ومشي فيها لين تقبرها كليا

بتمشي معاك اكثر من ثلاث سنين
طول ما انت تعبي الزيت وماتعرضها للنقص
وقتنا ذا مو ناقصين خساير

سيارتي فيها شنبر امورها زينة من حرارة وعزم تنقص زيت كل الف وخمسمية كيلو
واعبيها زيت وتمشي كمان الف وخمسمية كيلو واغير زيت على ثلاث آلاف او ثلاث ونص
واستخدم زيت بترومين الثقيل خمسين عشرين والحمد لله الامور طيبه لان فكري امشي بها لين تقول لا إله إلا الله واغير مكينة

* اغير الزيت بنفسي عند البيت مرتين زيت المرة الثالثة مع فلتر الزيت

هذي الغلطة اللي حذرت منها من مبطي اي سيارة مشت فوق 100 الف وقدر الله وخرب فيها الراس ضروري تسقط شنبر مع سبايك ماينفع تصلح الراس فقط وحتى لو سوينا العكس موتر غيرنا سلندر او شنبر ضروري تغير جلد بلوف لاكن ياخوي لاتتسرع ابيك تشيك على بلف التبخير شوفه شغال او لا