أضف سؤال أو موضوع جديد          

تنصحوني بتسقيط شنبر أو تغيير مكينة

up 2 down 0
moktar211 21
قبل 10 شهر



السلام عليكم ورحمة الله وبركاته

عندي سوناتا 2009 توماتيك المكينة صارت تنقص زيت لاكن لازال العزم موجود والسيارة ما تدخن الا في حال استمرار الدعس فوق ٤الاف دورة
المهم هي المشكلة من المكنيكي لان السيارة جاتها حرارة وخلاني امسح الراس واوزن البلوف واغير الجلود وغيرت طرمبة الزيت جديدة
الحين اكتشفنا ان الشنابر ضعيفة قلي اخذ منك فقط ٧٠٠ ريال وروح اشتري لي طقم شنابر +سبايك متحركة ووجه راس فقط

انتو وش شايفين هل اعمل نص توضيب أو اغير مكينة أو امشيها لحد توقف السيارة تمشي زي الحلاوة ماشاء الله لاكن الزيت ينقص ممكن علبة ونص في الأسبوع وغيرت أكثر من نوع للزيت ومافي فايدة علما بأن اسعار مكاين السوناتا ٤ حساسات تبداء من ٤٥٠٠ ريال

ملاحظة المكينة الا عندي هي نفسها ٢٠١٥ بس تختلف في طرمبة الزيت الا عندي طرمبة صغيرة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


اخوي انابقولك طريقه مجربها شخصيا لاكن لاتسويها الى اذا كنت بتغير المكينه او بتوضب 
فك البواجي وخذلك ابره من اي صيدليه وخذلك بريال ديزل عب الابره وكب على البساتم  بس لاتكثر مره يعني كل بستم ابرتين كافيه ان شاءالله الابره الوسط 
وخذلك مفك مقاس بكره الكرنك ودور المكينه بيدك اكثر من دوره بعدين فرغ الزيت الي فيها وعب زيت جديد الفلتر مايحتاج تغيره لى انك ماشغلت السياره ماوصله ديزل 
وجرب شغلها طبيعي اول ماتشغلها بتطلع دخان وممكن تشتغل بصعوبه عادي ماعليك خلها شغاله ربع ساعه كذا وجربها وعطني خبر ان شاءالله تضبط 
انت اعتقد ارتفعت الحراره وخلطت مويه مع الزيت نزل المويه على البستم وممكن صار الشمبر حق الزيت معلق داخل معاد يطلع ان شاءالله مع الديزل راح ينظف مجراه ويرجع 
اذا بتوديها ورشه احتمال مايسويها لك الافضل تسويها بنفسك الشغله بسيطه صدقني ماتاخذ ساعه 



up 1 down 0
k 6 4 i 1229
قبل 10 شهر



مالي ذيك الخبرة
لكن ابدا بالخل الاسهل و الارخص
و شف قيمة السيارة حاليا" كم تسوى

و انت بتكمل معها او افضل لك تصلح و تبيع
او تبيعها على حالتها ممكن تتخسر و لا ترجع مثل اول

لانها صارت معي كانت معي سيارة و خرب القير
غيرته بخمس الاف و رجع خرب بعد انتهاء الضمان
و بعتها على حالتها بعشره
خمسه لتعويض تصليح القير
و الخمسه الثانيه دفعتها اولى و قسطت سيارة جديدة
و الله يعوضنا وياك و كل مسلم و مسلمة


up 1 down 0
مثقف سيارات 1143
قبل 10 شهر



اشتري ارخص انواع الزيوت
ومشي فيها لين تقبرها كليا

بتمشي معاك اكثر من ثلاث سنين
طول ما انت تعبي الزيت وماتعرضها للنقص
وقتنا ذا مو ناقصين خساير


up 1 down 0
ربيع الأول 368
قبل 10 شهر



سيارتي فيها شنبر امورها زينة من حرارة وعزم تنقص زيت كل الف وخمسمية كيلو
واعبيها زيت وتمشي كمان الف وخمسمية كيلو واغير زيت على ثلاث آلاف او ثلاث ونص
واستخدم زيت بترومين الثقيل خمسين عشرين والحمد لله الامور طيبه لان فكري امشي بها لين تقول لا إله إلا الله واغير مكينة

* اغير الزيت بنفسي عند البيت مرتين زيت المرة الثالثة مع فلتر الزيت


up 1 down 0
nissan200 302
قبل 10 شهر



هذي الغلطة اللي حذرت منها من مبطي اي سيارة مشت فوق 100 الف وقدر الله وخرب فيها الراس ضروري تسقط شنبر مع سبايك ماينفع تصلح الراس فقط وحتى لو سوينا العكس موتر غيرنا سلندر او شنبر ضروري تغير جلد بلوف لاكن ياخوي لاتتسرع ابيك تشيك على بلف التبخير شوفه شغال او لا


up 0 down 0
باترولاوي 32
قبل 9 شهر و 3 أسبوع