أضف سؤال أو موضوع جديد          

نتعة قير وبطء استجابة مع طقة النترا 2020

up 0 down 0
mo615
قبل 11 شهر و 2 أسبوع



السلام عليكم

عندي النترا 2020 بنزين مكينة 1600 ( الصغيرة)

الموتر ماشي حول 83 الف , بدات عندي مشكلة رجة بالمكينة وانا واقف لدرجة اذا فتحت الكبوت بتلاحظ المكينة تتحرك من مكانها والموتر واقف على P بدون محد يدعس
رحت شيكت كراسي المكينة وحصلت واحد معدوم وغيرته والباقي سليم مع كرسي القير ايضا .. غيرت بواجي وكالة وفلتر هواء ونظفت الثروتل
وفحصت كمبيوتر مرتين بدون مشاكل .. رغم هذا الرجة لازالت موجودة ولكن بشكل اخف كثير واحس بنتعة خفيفة بالقير لما ادعس وكانه يقاوم وفيه بطء استجابة للتعشيقات مايعشق بسرعة اثناء المشي
لازالت المكينة تحسها غير صافية وخصوصا اثناء الوقوف والتسارع الاولي

ارائكم ومشورتكم .. تخسرت صراحة ومعظم الاشياء مالها فائدة بس غيرتها للحيطة فما ادري وش باقي اشيك عليه ؟ الموتر مره وصله ماء وطين وولعت لمبة الزيت
بس اختفت لما طفيته وشغلته , هل ممكن شي من القطع وصله ماء وهذا سبب المشكلة بس خرابه بسيط لذلك مايظهر بالكمبيوتر ؟ مثلا حساس قير او غيره ؟

ايه صحيح ماقد غيرت زيت قير وواحد قال غير زيت قير وبرمج وخلاص مع ان الوكالة قالوا على 100 الف تغير , ومرات فيه طقة لما اعشق حتى لو ماكنت على منحدر







إبلاغ إبلاغ



الردود


غير زيت القير وسو برمجة
ونظف البوابة وغير فلتر الهواء


up 0 down 0
0abo_waleed0 134
قبل 11 شهر و 2 أسبوع



اضف الى كلام اخوي 0abo_waleed0 حاول تغسلها بستم وتوصل للاجزاء اللي وصلها الطين وخلها يومين ثلاثة بالشمس وان شاء الله تزين الامور.


up 0 down 0
منيف2015 48
قبل 11 شهر و 2 أسبوع



غيرت فلتر الهواء
نظفت البوابة


باقي غيار الزيت والبرمجة بس ودي اخليها اخر شي لان رجة المكينة ما اعتقد لها علاقة مباشرة بالقير

واحد قال لي ممكن راس المكينة لان عندي تهريب بالاديتر - تبخير - بالشهرين تنقص حاجة بسيييطة لكن مافيه لا حرارة ولاخلط ماء وزيت ولاغيره

بجرب البستم ونشوف


up 0 down 0
mo615
قبل 11 شهر و 2 أسبوع



صلح التهريب ونظف ماء الرديتر وحاول تركب ماء اصلي رديتر حق هونداي او اي شركة بس اهم شي اصلي وماء مقطر.
وشيك على كراسي المكينة مرة اخرى عند ورشة ثانية.


up 0 down 0
منيف2015 48
قبل 11 شهر و 2 أسبوع



كراسي المكينه اللي غيرتها اصلي ولا تجاري ؟


up 0 down 0
toritto 357
قبل 11 شهر و أسبوع



التحديثات الجديدة :

1- شيكت التهريب ومافيه اي تهريب او مشاكل براس المكينة نهائيا او الاديتر
2- فحصت كمبيوتر من جديد وطلعت مشكلة باحد الكويلات وغيرته
3- نظفت البخاخات
4 - نظفت حساس زيت القير
5- كراسي المكينة اصلية
6- صلحت وخرطت الاذرعة للاحتياط فيها فضاوة

ولازالت المشكلة نفسها خساير على الفاضي .. وانا واقف ال rpm ينزل وتحسها بتطفي / القير تحسه بطيء بالتغيير لما ادعس كامل مرات يوصل 7 الضغط بدون تعشيق
ومرات تحس بنتعة من نمرة 1/2 او 2/3
فحص الكمبيوتر مايطلع اي مشاكل ثانية نهائيا

والله حيرة وخساير الظاهر اخليها لين تطيح ويلقون علتها الوضع كذا معقد وخساير


up 0 down 0
mo615
قبل 11 شهر



يعني الحين الاصلاحات كاملة تكون

1- غيرت كرسي مكينة وشيكت الباقي تمام
2- نظفت الثروتل
3 - نظفت البخاخات
4 - نظفت حساس زيت المكينة - انا كتبت القير قبل -
5 - خرطت الاذرعة اللي فيها فضاوة
6 - ركبت فلتر هواء جديد
7 - طقم بواجي
8 - غيرت كويل
9 - فحصت كمبيوتر 3 مرات بدون مشاكل ماعدا كويل غيرته

لازالت المشكلة مستمرة .. الموتر افضل بس ماهو صافي 100%


up 0 down 0
mo615
قبل 11 شهر



100% من حساسات المكينه يوصل اشاره ضعيفه للكمبيوتر سواء حساس الكام شفت او حساس الكرانك او حساس الهواء او حساس البوابه وغيرها من الحساسات افحص كمبيوتر ربما يظهر او اشتري منظف الكترونيات وقم بتنظيف جميع الحساسات للعلم جميع الحساسات المذكوره تاثر علي التعشيق لانها تحسب التوقيت في جميع العمليات المطلوبه منها


up 0 down 0
هيثومة12
قبل 10 شهر و 3 أسبوع



100% من حساسات المكينه يوصل اشاره ضعيفه للكمبيوتر سواء حساس الكام شفت او حساس الكرانك او حساس الهواء او حساس البوابه وغيرها من الحساسات افحص كمبيوتر ربما يظهر او اشتري منظف الكترونيات وقم بتنظيف جميع الحساسات للعلم جميع الحساسات المذكوره تاثر علي التعشيق لانها تحسب التوقيت في جميع العمليات المطلوبه منها


up 0 down 0
هيثومة12
قبل 10 شهر و 3 أسبوع



تحديث اخير ( حل المشكلة )

المشكلة كانت بالبستم رقم 3 ولكن بما ان التقطيع بسيط ماكانت تظهر بوضوح بفحص الكمبيوتر وتحتاج متابعة حتى يظهر التقطيع من خلال ال data stream
ثم بعد ذلك تحدد المشكلة لذلك اخيرا قررت اغير الكويل بالبستم رقم 3 وهو ماتم ورجع الموتر طبيعي ولكن بالليل زاد التقطيع ورجعت من جديد
وظهر ان المشكلة بنفس البستم لذلك سالني متى غيرت البواجي وقلت له جديدة واخرج البوجي وحطه مكان 2 وحط 2 مكان 3 وفحص وطلعت المشكلة ببستم 2
وبعد فحص البوجي تبين ان العامل اللي ركبه قبل شهر كسره لذلك صار التهريب منه وهو اللي خلا الرجة ترجع بقوة بعد تغيير الكويل

لذلك ضروري لما تفحص كمبيوتر ماتبحث عن كود خطأ فقط خصوصا اذا التقطيع ماهو واضح وتنتظر بال datastream وتشوف البخاخات والبساتم
اي واحد منهم يطلع اي رقم او خلل بسيط تغيره وكل ماكان التقطيع اشد يكون الحل اسهل واسرع




up 0 down 0
mo615
قبل 10 شهر و 2 أسبوع



تحديث اخير ( حل المشكلة )

المشكلة كانت بالبستم رقم 3 ولكن بما ان التقطيع بسيط ماكانت تظهر بوضوح بفحص الكمبيوتر وتحتاج متابعة حتى يظهر التقطيع من خلال ال data stream
ثم بعد ذلك تحدد المشكلة لذلك اخيرا قررت اغير الكويل بالبستم رقم 3 وهو ماتم ورجع الموتر طبيعي ولكن بالليل زاد التقطيع ورجعت من جديد
وظهر ان المشكلة بنفس البستم لذلك سالني متى غيرت البواجي وقلت له جديدة واخرج البوجي وحطه مكان 2 وحط 2 مكان 3 وفحص وطلعت المشكلة ببستم 2
وبعد فحص البوجي تبين ان العامل اللي ركبه قبل شهر كسره لذلك صار التهريب منه وهو اللي خلا الرجة ترجع بقوة بعد تغيير الكويل

لذلك ضروري لما تفحص كمبيوتر ماتبحث عن كود خطأ فقط خصوصا اذا التقطيع ماهو واضح وتنتظر بال datastream وتشوف البخاخات والبساتم
اي واحد منهم يطلع اي رقم او خلل بسيط تغيره وكل ماكان التقطيع اشد يكون الحل اسهل واسرع




up 0 down 0
mo615
قبل 10 شهر و 2 أسبوع