أضف سؤال أو موضوع جديد          

الحمد لله على كل حال .. بغيت ارائكم

up 8 down 1
عبدالله الشهري1987 2362
قبل 8 سنه و 8 شهر



السلام عليكم ورحمة الله
اسعد الله مساكم ي غآلين 
و تقبل الله صياكم  و غفر الله لنا و لكم

اخواني نزلت السوق انا و الاهل بعد صلاة العصر 
و قلت للامان خليني ادخل سيارتي بمواقف السوق بالبادروم

المهم قضيت و رحت للسياره و طاح قلبي على طول 
واحد الله لا يبارك فيه انجبرت ادعي علي وانا صايم بهاليوم .. الجنب
الامامي من جهت الراكب 
الرفرف تاثر و الاسطب انطحن و السدام انفك الجنط انكسر 
شكل الضربه كانت قويه 
في عامل بالسوق قآلي اللي صدمرالسياره جمس قديم 
و هرب ع طول 
الصدمه كانت قويه لدرجة ان الساره زحفت شوي 

طبعا ي شباب سياري هونداي جينسس سيدان 2012 
توها بقراطيسها 
اتصلت ع المرور و جوني و سألوني اذا في تأمين اتصل ع نجم 
المهم اتصلت و انتظرت ساعه كمله .. اذن المغرب و افطرت انا و الاهل 
بالسياره و طبعا المرور مشى 

المهم الساعه6:45 شرف نجم و الللللله من عذر قآله لي .. " اسف 
نسم علي الكفر بالطريق " قلت الله يجعلك تنسم معآه 

طبعا ما افتاني باي شي مدري ليش
السياره علبها تأمين شامل 
و جا الحبيب يصيور الحادث حسسني انه محقق 
و بالاخير قآل راجعنا بكره .. الاخ واثق و طنش و يبغى يمشي 
من الضيقه اللي فيني .. مسكته بكتفه و سحبته .. لو ما مسكوني الناس 
كان ذبحته 
ابدا ما افتاني بشي 
ولا علمني وش اسوي 
ولا استفدت من جيته غير كم صوره صورها السياره
و انتظاري عشان تصوير ..!! ليش ..؟؟

حبايبي السياره تقريبا توها تمشي 3000كيلو 

وانا اجهل فين اروح .. تاميني شامل لسيارتي و للغير 
و ماني فآهم شي و فيني 59كيلو قهر و من اول ما شفت السياره 
لين الحين وانا ادعي ع من كان السبب 

افيدوني الله يرضى عليكم و يرحم والديكم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


#@موقف يحرق الدم الله يعينك انا قاعد اقرا الموضوع وانا ماسك اعصابي


up 1 down 0
feroo li 1816
قبل 8 سنه و 8 شهر



خبرتي مو داك الزود بس اتوقع التامين بييصلحها دامك مؤمن شامل راجع نجم الغبي وشوف ايش قصته وهما يرسلوك بعدها ويعلموك وش تسوي والاخوان مايقصرو


up 1 down 0
احمد شريف 3176
قبل 8 سنه و 8 شهر











المهم الساعه6:45 شرف نجم و الللللله من عذر قآله لي .. " اسف 
نسم علي الكفر بالطريق " قلت الله يجعلك تنسم معآه 

ههههههههههههههههه امين يارب
وصدقني حقك ما بيضيع لو ضيعوه  البشر والله يقبل منك الصيام 

بخصوص وش تسوي روح تابع بنجم  وراحو يقولون ان اللي صدمك  مجهول واكيد لهم اجراء 
انك تبصلح السياره على ااأمين تروح فيه الوكاله 
وترجع احسن من اول 
ولا بارك الله فيه 





up 0 down 0
fahad alzhrani 144
قبل 8 سنه و 8 شهر



الله يعوضك خير 




up 0 down 0
راااضي 2521
قبل 8 سنه و 8 شهر



قول الحمدلله ياراجل ..
الله يعوضك خير
في العربية ولا فيك ولا حد من اهلك ..
انا رحت لواحد يشووف لي العربية ..
قلبها فوق تحت وكلفتني اكثر من 5 آلاف و أكتر من 7 شهور تدوير في الورش - حسبي الله عل الظالم -
وان شاء الله التأمين يزبطها ليك ويخليها زي الأول ..



up 0 down 0
mohammad saeed 2864
قبل 8 سنه و 8 شهر



إن شاء الله يعطوك غيرها 
بس أنت أقرآ بنود العقد الي بينك وبين شركة التأمين 
وأفهمها عشان لو لفو ودارو عليك تقولهم بيني وبينكم عقد وغصبا عنهم ينفذونه 


up 0 down 0
hack1 2915
قبل 8 سنه و 8 شهر



الله يعوضك خير يا صبي بني شهر .. ومن صدمك وهرب اسال الله أن يجعل له حادث لأن هذا يعتبر مفسد في الارض


up 0 down 0
كبار الشخصيات -21
قبل 8 سنه و 8 شهر



الله يعوض عليك اخوي

جابك الله وهذاني واحد من اعداء التأمين واكثر من عشرين حادث راجعتها واستوفيت حقوقها " لي ولاهلي ولزملائي " والطريقة التحجيرية لشركة التأمين كالتالي :-








1- نظام نجم يتمغط , الاوراق ماتوصل التامين الا بعد 3 ايام عمل , لذلك رح لفرع نجم اللي بمخرج 5 اذا كنت بالرياض وخذ سي دي الصور وتقرير الحادث او تقرير الحادث لحاله ورح للتأمين وسلم لهم السي دي والاوراق واذا ماعطوك سي دي اطلب انتظارها وخذ منهم تحويل على الوكيل " حسبي الله عالوعلان ههههه " .
2- رح للوكيل " اذا الوعلان تراه بمخرج 18 " وعطهم التحويل من الشركة واجلس فوق راسه واي شيء فيه مخش خله يستبدله لك لاتقبل رش ابدا بدون تغيير وحتى بطانة الرفرف وحتى الكشافات وحتى المسامير والكلبسات وحتى وحتى وحتى لاتخلي لهم شي اكلونا الله يقلعهم
3- قيمة التقرير عند الوكاله 150 ريال فقط اذا بدي اذا اضرار ميكانيكيه 240 4- راح يتم ارسال صور التقرير بالفاكس للتأمين وانت بدورك خذ صوره وودها للتأمين
5- راح يقول لك التأمين ارجع خل السيارة عند الوكاله وانت ارجع خلها لين يجي المعاين حق الشركة عشان يعطيك الابروفل " لاتسكت لهم كل يوم اتصل لين يجي المعاين "
6- فترة الانتظار اطلب السياره البديله وانتتتتبه من نظام التعويض لانهم بيمرمطونك خلهم هم يستأجرون لك




7- بعد المعاينه والاعتماد ترجع للوكاله وتاخذ صور الاعتماد وتشوف اي شيء حذفوه وتنشب لهم ليه يشيلونه " انت وفضاوتك "
8- تبدا الآن علاقتك مع الوكاله وتجي تشرف عليهم بين فتره وفتره لان بعضهم مايخافون الله " الوعلان صدم بسيارتي وصلحها وما انتبهت الا بعد كم يوم وماغيروا الاسطب
المكسور "
9- بعد انتهاء الصيانة بيطلبون منك دفع مبلغ التحمل 500 او 1000 ريال
10 - مبروك السياره رجعت كما كانت
11 - جيب احد زملائك اللي معاه وانيت وخذ قطعك القديمه
12 - شيك عالسيارة بالمايكروسكوب وبالمجهر وبكاشف الالغام قبل ماتوقع على " استلمت السيارة بحالة جيدة " لايصير لك ماصار لي ماتنتبه للصدمه الا بعدييين

13 - عليك بالدعاوي على اللي صدمك ,, ابي دعاوي تهزهز سنونه هههههههههههههه امزح امزح تلقاها عند ربك والحمد لله ان السياره عليها تأمين

14 - مع السلامة



up 3 down 0
YASSER505 4174
قبل 8 سنه و 8 شهر



نسيت اكتب حاجة ,

التعاونية قالوا نصلح لك الجنط عند مركز متخصص قلت لاياحبيييبي مايمشي معي نظام الترقيع واجبرتهم يغيرون لي جنط جديد وقلبوها علي وقالوا الجنط محكوك بس تعال خذ قيمة البويه هههههههههههه


المهم لا اوصيك


up 1 down 0
YASSER505 4174
قبل 8 سنه و 8 شهر



عين ما صلت ع النبي 

قدر الله وماشاء فعل 

وسع صدرك يا عبدالله 

هذه  مقدر ومكتوب وحسبي الله عليه الله لا يوفقه ان شاء الله 

وبلنسبه للتأمين بيصلح لك السيارة ما عليك بس علمني وشهي الشركة وابشر بلي يبيض وجهك 

والموظف نجم غلطان المفروض يعطيك أوراق تقدير وكروكي وهو يقدم الاوراق للوكاله 

ع العموم عطني اسم الشركة ونا بخدمك باذن الله 




up 1 down 0
أستشاري الحب 6468
قبل 8 سنه و 8 شهر



اذاكان اتأمين شامل يعني ماهو ضد الغير ابد يصلحونها وانت مرتاح وفي الوكاله وخصوصااذا كانت السياره اجار منتهي باتمليك


up 0 down 0
البراق15 1692
قبل 8 سنه و 8 شهر




تأمينك شامل ضد الغير
معنى ذالك أنه يشمل التأمين لمبلغ ( كبير جداً ) .

الان أول الحلول ، بكرا الصباح دق على تأمينك
أو الافضل أنك ( تزور فرعهُم ) و تذكر لهُم القصه بالتفصيل .

خلك معهُم شديد ، لا يقولك تتكفل انت 20% و الباقي علينا
أو يقولك هالشي مايشمله و الشي هذا يشمله ، قلهُم السيـاره تتصلح بالكـامل عليكُم
و الصـدام و القطع كلها ( أطلب تغير ) و ليس سمكره ، السياره جديده : ) .


حسبي الله و نعم الوكيل في الي كان السبب



up 0 down 0
بدر بن حسين 424
قبل 8 سنه و 8 شهر



اخوي الله يعوضك بس التأمين هو من يتحمل كل شي من اصلاح 


up 0 down 0
خطاي الشوق 2532
قبل 8 سنه و 8 شهر



معوض خير يالغالي والحمد لله على السلامة اكثر من الدعاء عليه والله يعوضك 

وبالنسبة للتصليح يقوم بها التامين والاخ ياسر ماقصر معك (وتراه يحب التعاونية مرة)ههههه


up 1 down 0
mr.abuud 1708
قبل 8 سنه و 8 شهر



الله يجعلها دافعت بلاء ويعوضك بخير منها.


up 0 down 0
nnmm 1414
قبل 8 سنه و 8 شهر



دام تامينك التعاونية ريح راسك بترجع الامور مثل قبل وافضل باذن الله 


up 0 down 0
أستشاري الحب 6468
قبل 8 سنه و 8 شهر