الحمد لله على كل حال .. بغيت ارائكم

#@موقف يحرق الدم الله يعينك انا قاعد اقرا الموضوع وانا ماسك اعصابي

خبرتي مو داك الزود بس اتوقع التامين بييصلحها دامك مؤمن شامل راجع نجم الغبي وشوف ايش قصته وهما يرسلوك بعدها ويعلموك وش تسوي والاخوان مايقصرو

المهم الساعه6:45 شرف نجم و الللللله من عذر قآله لي .. " اسف 
نسم علي الكفر بالطريق " قلت الله يجعلك تنسم معآه 

ههههههههههههههههه امين يارب
وصدقني حقك ما بيضيع لو ضيعوه  البشر والله يقبل منك الصيام 

بخصوص وش تسوي روح تابع بنجم  وراحو يقولون ان اللي صدمك  مجهول واكيد لهم اجراء 
انك تبصلح السياره على ااأمين تروح فيه الوكاله 
وترجع احسن من اول 
ولا بارك الله فيه 

الله يعوضك خير 

قول الحمدلله ياراجل ..
الله يعوضك خير
في العربية ولا فيك ولا حد من اهلك ..
انا رحت لواحد يشووف لي العربية ..
قلبها فوق تحت وكلفتني اكثر من 5 آلاف و أكتر من 7 شهور تدوير في الورش - حسبي الله عل الظالم -
وان شاء الله التأمين يزبطها ليك ويخليها زي الأول ..

إن شاء الله يعطوك غيرها 
بس أنت أقرآ بنود العقد الي بينك وبين شركة التأمين 
وأفهمها عشان لو لفو ودارو عليك تقولهم بيني وبينكم عقد وغصبا عنهم ينفذونه 

الله يعوضك خير يا صبي بني شهر .. ومن صدمك وهرب اسال الله أن يجعل له حادث لأن هذا يعتبر مفسد في الارض

الله يعوض عليك اخوي

جابك الله وهذاني واحد من اعداء التأمين واكثر من عشرين حادث راجعتها واستوفيت حقوقها " لي ولاهلي ولزملائي " والطريقة التحجيرية لشركة التأمين كالتالي :-








1- نظام نجم يتمغط , الاوراق ماتوصل التامين الا بعد 3 ايام عمل , لذلك رح لفرع نجم اللي بمخرج 5 اذا كنت بالرياض وخذ سي دي الصور وتقرير الحادث او تقرير الحادث لحاله ورح للتأمين وسلم لهم السي دي والاوراق واذا ماعطوك سي دي اطلب انتظارها وخذ منهم تحويل على الوكيل " حسبي الله عالوعلان ههههه " .
2- رح للوكيل " اذا الوعلان تراه بمخرج 18 " وعطهم التحويل من الشركة واجلس فوق راسه واي شيء فيه مخش خله يستبدله لك لاتقبل رش ابدا بدون تغيير وحتى بطانة الرفرف وحتى الكشافات وحتى المسامير والكلبسات وحتى وحتى وحتى لاتخلي لهم شي اكلونا الله يقلعهم
3- قيمة التقرير عند الوكاله 150 ريال فقط اذا بدي اذا اضرار ميكانيكيه 240 4- راح يتم ارسال صور التقرير بالفاكس للتأمين وانت بدورك خذ صوره وودها للتأمين
5- راح يقول لك التأمين ارجع خل السيارة عند الوكاله وانت ارجع خلها لين يجي المعاين حق الشركة عشان يعطيك الابروفل " لاتسكت لهم كل يوم اتصل لين يجي المعاين "
6- فترة الانتظار اطلب السياره البديله وانتتتتبه من نظام التعويض لانهم بيمرمطونك خلهم هم يستأجرون لك




7- بعد المعاينه والاعتماد ترجع للوكاله وتاخذ صور الاعتماد وتشوف اي شيء حذفوه وتنشب لهم ليه يشيلونه " انت وفضاوتك "
8- تبدا الآن علاقتك مع الوكاله وتجي تشرف عليهم بين فتره وفتره لان بعضهم مايخافون الله " الوعلان صدم بسيارتي وصلحها وما انتبهت الا بعد كم يوم وماغيروا الاسطب
المكسور "
9- بعد انتهاء الصيانة بيطلبون منك دفع مبلغ التحمل 500 او 1000 ريال
10 - مبروك السياره رجعت كما كانت
11 - جيب احد زملائك اللي معاه وانيت وخذ قطعك القديمه
12 - شيك عالسيارة بالمايكروسكوب وبالمجهر وبكاشف الالغام قبل ماتوقع على " استلمت السيارة بحالة جيدة " لايصير لك ماصار لي ماتنتبه للصدمه الا بعدييين

13 - عليك بالدعاوي على اللي صدمك ,, ابي دعاوي تهزهز سنونه هههههههههههههه امزح امزح تلقاها عند ربك والحمد لله ان السياره عليها تأمين

14 - مع السلامة

نسيت اكتب حاجة ,

التعاونية قالوا نصلح لك الجنط عند مركز متخصص قلت لاياحبيييبي مايمشي معي نظام الترقيع واجبرتهم يغيرون لي جنط جديد وقلبوها علي وقالوا الجنط محكوك بس تعال خذ قيمة البويه هههههههههههه


المهم لا اوصيك

عين ما صلت ع النبي 

قدر الله وماشاء فعل 

وسع صدرك يا عبدالله 

هذه  مقدر ومكتوب وحسبي الله عليه الله لا يوفقه ان شاء الله 

وبلنسبه للتأمين بيصلح لك السيارة ما عليك بس علمني وشهي الشركة وابشر بلي يبيض وجهك 

والموظف نجم غلطان المفروض يعطيك أوراق تقدير وكروكي وهو يقدم الاوراق للوكاله 

ع العموم عطني اسم الشركة ونا بخدمك باذن الله 

اذاكان اتأمين شامل يعني ماهو ضد الغير ابد يصلحونها وانت مرتاح وفي الوكاله وخصوصااذا كانت السياره اجار منتهي باتمليك

تأمينك شامل ضد الغير
معنى ذالك أنه يشمل التأمين لمبلغ ( كبير جداً ) .

الان أول الحلول ، بكرا الصباح دق على تأمينك
أو الافضل أنك ( تزور فرعهُم ) و تذكر لهُم القصه بالتفصيل .

خلك معهُم شديد ، لا يقولك تتكفل انت 20% و الباقي علينا
أو يقولك هالشي مايشمله و الشي هذا يشمله ، قلهُم السيـاره تتصلح بالكـامل عليكُم
و الصـدام و القطع كلها ( أطلب تغير ) و ليس سمكره ، السياره جديده : ) .


حسبي الله و نعم الوكيل في الي كان السبب

اخوي الله يعوضك بس التأمين هو من يتحمل كل شي من اصلاح 

معوض خير يالغالي والحمد لله على السلامة اكثر من الدعاء عليه والله يعوضك 

وبالنسبة للتصليح يقوم بها التامين والاخ ياسر ماقصر معك (وتراه يحب التعاونية مرة)ههههه

الله يجعلها دافعت بلاء ويعوضك بخير منها.

دام تامينك التعاونية ريح راسك بترجع الامور مثل قبل وافضل باذن الله