ارائكم في شراء اكسنت2014

اقتصاديه من جميع النواحي ولكن تتطلب منك المحافظه والعنايه والسعر مبالغ فيه اذا تستطيع اختيار غيرها من نفس الفئه وشكراً

سياره عمليه وممتازه واقتصادية وقطع الغيار رخيصه وماتستهلك وتصلح لداخل المدينه 
وسلبياتها انها ضيقه من داخل ووزنها خفيف يعني مافيه رساوه والامان بعد الله ضعيف
يعني صدمه خفيفه ممكن يكلف مبلغ وقدره او انفجار كفر على سرعه متوسطه ممكن يؤدي الى انحراف السياره او انقلابها 
بحكم ان الوزن خفيف 
وكل سياره لها سلبيات وايجابيات  
وعندك خيارات كثيره مدام انها اقساط 

دامك بتاخذ اقساط خذ كورلا

موتر كد ومد وقطع غيار تحصلها بكل مكان واقلها لادخلت الورش تحصل من يكلمك ويقول هنا وتقدر تكاسره لان كثير مثله يعرف لها
وفوق كذا سعرها فيها وفوق كذا الكورلا 2013 فيها ارباقين و ABS عكس مقارتنها بالالنترا اللي مافيها شي مثل هل الانظمه

انا عندي عيب على السياره اللي هو صدامها الامامي وخف البدي
بس لو تشوف الالنترا او الاكسنت تحصله اردى منها

انا اتكلم من واقع تجربه مع اخوي 2013 ماخذها زيرو ب 63 الف قير تماتيك

شف عروض جديد للكورلا
http://www.uis.com.sa/mobile/offers_ar.aspx?utm_source=Twitter&utm_medium=Banner&utm_campaign=0513-Twitter-Corolla-AR

تايوتا مايعطوني اقصاد لاني شغال بمؤسسه

طيب فيه حل ثاني

خذ لك قرض من البنك احسن لك من التقسيط ثم اشتر السياره اللي تبي بحلالك موب بكره وانت ماسددت اقساطك يسحبون السياره منك

طيب لو دخلت السياره بالكراج بيطقون علي ؟ ولا وش

مافهمت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يعني لو جوني بالبيت مالقو السياره انا مدخلها بالبيت داخل كيف ياخذونها 

خذ اكسنت والله ماهي خساره فيها 42 الف
وقيادتها ممتعه

كورولا نصيحه والله انا معي 13 موتر حلو وشكله متناسق عكس الاكسنت ضيقه وراس الراكب الي وراء يضرب في السقف .. وفي الكورولا 2 ارباق ا


اي بي سي وموتر حقه فيه عكس الاكسنت تشتريه بعد 3 اشهر تبيعها بخساره 10 الاف .. ريال


والله كنت محتار بين كورولا واكسنت لاكن شريت كورولا والحمدلله .. ونسيت اقول لك الكورولا حجم مكيتنها اكبر من الاكسنت وافضل توكل على الله

وحتى اكبر في الشكل والداخليه وارفع عن الارض

معليش نسيت صح انت بتاخذها اقساط .. حسبت انك بتشتريها كاش اسف

لايك يا صاحب الموضوع وفكر في الكورولا !!!

اخوي انت ناوي تسحب عليه من الحين ؟ تراهم مب شرط يلقون سيارتك عند البيت ممكن يجونك لمحل عملك وهم عارفينه وين وبنفس الوقت بتدخل نفسك في سمه وتعثرات تاثر عليك مستقبلا فبعض الامور

@# نفسي اعرف كيف تقارنو الكورولا ب الاكسنت

ياجماعة الكورلا تتقارن ب الالنترا 

والاكسنت باليارس لانها اقرب لسعرها ومكينتها

_________________________________

الاكسنت جربتها سنة وثلاث شهور
صراحة جملت وماقصرت 

وكنت ماخذها مؤقت لكنها جلست معي سنة 
استخدامي لها داخل الرياض ونادرا اسافر بها لاني سافرت بها مره مسافة 200 كيلو وكرهت نفسي وصرت كل مابغيت
امسك خط خذيت موتر واحد من اخواني ولا الوالد

السيارة اقتصادية جداً وصبوره والتكييف فيها ممتاز وبعتها وهي ماشية 55 تقريبا
وانا شاريها جديده بـ 46 ألف 

مواصفات الي كانت معي نص فل 1.6

الخلاصة ان الاكسنت خدومه وصبوره لكن لا تفكر تمسك بها خطوط
وهي اصلا سيارة مدينه فقط 

موفق

ممتازه والله يعطيك خيرها ويكفيك شرها وإذا زدتها شوي واخذت لك النترا فهذا افضل لك

بالتوفيق